46 случаи на западнонилска треска се регистрирани во СРБИЈА од почетокот на сезоната на надзор, соопшти Институтот за јавно здравје на Србија „Д-р Милан Јовановиќ Батут“. Од вкупниот број на пациенти, 43 лица имаат потешка, невроинвазивна форма на болеста.
Според податоците ажурирани на 20 септември, случаи се регистрирани во десет области од 1 јуни. Меѓу заразените се 28 мажи и 18 жени, а нивната просечна возраст е 66,6 години.
Институтот, исто така, наведува дека во Европа, заклучно со 17 септември, идентификувани се 169 области погодени од вирусот Западен Нил во 14 земји. Вкупно се пријавени 1.437 случаи во овие 14 земји. Најголем број случаи е регистриран во Италија, со 652, по што следат Грција, со 355 и Шпанија, со 114.
Како се пренесува вирусот?
91 случај е пријавен во Романија, 81 во Франција, 66 во Северна Македонија, 29 во Холандија, 13 во Хрватска, 11 на Кипар, девет во Белгија, шест во Австрија, по четири во Унгарија и Германија и два во Албанија.
Вирусот Западен Нил првенствено се пренесува преку каснување од заразен комарец. Повеќето инфекции се асимптоматски, додека потешките, невроинвазивни форми на болеста се јавуваат ретко и се почести кај постари лица и лица со хронични заболувања.

