Силниот ветер предизвика пречки во поморскиот фериботски сообраќај во Грција, што доведе до прекин на одредени поаѓања од пристаништата Пиреја, Рафина и Лаврио.
Утринските пловења од Пиреја кон Кикладите се запрени, а забраната за пловење останува на сила до добивање на нов временски извештај, кој се очекува околу пладне, објави „Прото Тема“.
Фериботите кон островите во Саронскиот Залив сообраќаат нормално, иако ситуацијата е поинаква за хидроглисерите.
На патниците им се препорачува да стапат во контакт со операторите на фериботите пред патувањето, бидејќи некои продолжуваат да пловат, додека други ги прекинале поаѓањата.
Утринските поаѓања од пристаништата Рафина и Лаврио исто така се откажани поради неповолните временски услови.
Во моментов нема планирани поаѓања кон Крит или Додеканезите пред пладне.
На патниците им се советува да контактираат со фериботските компании или со локалните пристанишни власти пред да се упатат кон пристаништата, бидејќи ситуацијата може да се промени во зависност од временските услови и јачината на ветерот.
Утринските поаѓања од Пиреја, Рафина и Лаврио во Грција се прекинати поради силниот ветер

