Пациентите во Германија сè повеќе ѝ веруваат на вештачката интелигенција кога станува збор за здравјето, а некои ѝ веруваат дури и повеќе од својот лекар.
Четбот базиран на вештачка интелигенција е повеќе доверлив од здравствените работници од 15 проценти од испитаниците во анкета на здружението за дигитална економија „Битком“.
Дури еден од пет учесници во истражувањето изјавил дека по пребарувањето со помош на вештачка интелигенција, престанале да ги слушаат препораките на лекарот.
Кристина Рааб од Битком повика на претпазливост.
„Треба да се има предвид дека дури и вештачката интелигенција може да прави грешки и дека нема директен увид во состојбата на корисникот. Затоа никој не треба да игнорира совет од лекар или препишана терапија заснована само на пребарување со помош на вештачка интелигенција“, рече Раб.
Сепак, 33 проценти од корисниците веруваат дека четботовите даваат поразбирливи одговори од лекарите.
Пребарувањето информации за здравјето на интернет стана секојдневна рутина за повеќето луѓе во Германија.
Четири петтини од населението барем повремено пребаруваат на Интернет информации за симптоми или лекови, што е значително зголемување во споредба со претходната анкета.
Сè повеќе корисници се свртуваат кон апликации за вештачка интелигенција за подобро да ги разберат медицинските информации.
Така, 45 проценти наведуваат дека преку разговор со вештачка интелигенција ги разбираат своите симптоми подобро отколку со нормално пребарување на интернет.
Истражувањето на Битком се занимава и со употребата на електронскиот здравствен картон (ePA), кој ги обединува дигиталните наоди, дијагнози и информации за лековите на пациентот на едно место.
Интересот за ePA расте, но многу граѓани сè уште не ги користат сите негови можности.
Една петтина од испитаниците сè уште не знаеле дека имаат електронски здравствен картон.

