Во текот на последните денови од администрацијата на поранешниот американски претседател Џозеф Бајден, Пентагон тајно купил уред за кој некои истражители веруваат дека е поврзан со „Хавана синдром“, состојба што вклучува симптоми како што се несоница, проблеми со слухот, губење на меморијата и вртоглавица.
Според американскиот портал The Hill, уредот, кој содржи некои руски компоненти, бил купен од страна на Истрагите за внатрешна безбедност (HSI) од буџетот на Министерството за одбрана на Соединетите Американски Држави, а Пентагон го тестирал повеќе од една година.
На уредот наводно му била платена „осумцифрена сума“.
Медиумите првпат пишуваа за „Хавана синдром“ кон крајот на 2016 година, откако американските функционери стационирани во Хавана, како и членовите на нивните семејства, почнаа да известуваат дека страдаат од несоница, проблеми со слухот, губење на меморијата и вртоглавица.
Поголемиот дел од американската разузнавачка заедница верува дека е „малку веројатно“ странски противник да е одговорен за предизвикување на „Хавана синдромот“, според извештај од јануари 2025 година. Во 2021 година, Русија негираше дека има каква било врска со предизвикувањето на синдромот.
Во мегувреме се сними и документарната серија Havana Syndrome: America Under Threat е трилерска истрага што ги открива мистериозните здравствени инциденти кои од 2016 година ги погодија стотици американски дипломати и разузнавачки службеници ширум светот. Познати како „Хавански синдром“, овие случаи вклучуваат симптоми како главоболки, губење на меморијата, зуење во ушите и вртоглавица, за кои жртвите тврдат дека се резултат на невидливи напади со напредна технологија.
Серијата, режирана од Артур Бувар и Жил Жиро, комбинира ексклузивни интервјуа со високи официјални лица, сведоштва на жртвите и истражувања на новинарите, за да понуди нови сознанија за оваа глобална закана што ги вознемири американските разузнавачки служби.
