По неуспешниот дијалог со институциите, граѓанската иницијатива повикува на мирна блокада на 21 јануари, како знак на револт за долготрајното загадување и како притисок за итни мерки за заштита на здравјето. Од друга страна, „ТИТАН Усје“ реагира на обвинувањата, нагласувајќи дека фабриката работи според домашната регулатива и А-интегрираната дозвола, која вклучува 24-часовен независен мониторинг на емисиите.
Компанијата тврди дека резултатите од мерењата се јавно достапни и дека граничните вредности на емисиите се построги од законските
– Или ќе излеземе сите – или ќе нè снема еден по еден! Излези, затоа што воздухот нема да се исчисти сам – порачуваат организаторите, истакнувајќи дека иницијативата е реакција на долготрајната загриженост за здравјето на сите жители, особено на децата.
Граѓаните бараат поставување на мерни станици кои ќе овозможат 24/7 мониторинг на квалитетот на воздухот и истакнуваат дека додека тоа не се случи, нема да им веруваат на уверувањата дека фабриката не загадува.
– Здравјето пред профитот, бидејќи институциите не реагираат, граѓаните мораат повторно да го подигнат својот глас – велат активистите.
Од друга страна, „ТИТАН Усје“ реагира на обвинувањата, нагласувајќи дека фабриката работи според домашната регулатива и А-интегрираната дозвола, која вклучува 24-часовен независен мониторинг на емисиите. Компанијата тврди дека резултатите од мерењата се јавно достапни и дека граничните вредности на емисиите се построги од законските.
Прес-конференцијата на иницијативата „Стоп за Усје“ е закажана за 21 јануари во 18 часот, а медиумите се поканети да известуваат за настанот и да дадат простор за гласот на граѓаните кои се борат за основното право на чист воздух.
