Граѓаните ќе можат да ги коригираат податоците во случај на промена или доколку добиле известување со неточни информации. Промените ќе можат да се извршат и низ станиците за технички преглед во државата, каде што е распореден деташиран референт на МВР. Исто така, на е-маил адресата bezbedengrad@moi.gov.mk, граѓаните ќе можат да испраќаат забелешки, нејаснотии и прашања, информира МВР.
Министерството за внатрешни работи соопшти дека од денеска, 17 декември 2025, граѓаните ќе можат да поднесуваат барања за промена на контакт-податоците поврзани со регистрацијата на нивните возила. Постапката ќе се врши на посебен шалтер во Одделот за граѓански работи во зградата на МТВ во Скопје, секој работен ден од 08:00 до 17:00 часот.
Граѓаните ќе можат да ги коригираат податоците во случај на промена или доколку добиле известување со неточни информации. Промените ќе можат да се извршат и низ станиците за технички преглед во државата, каде што е распореден деташиран референт на МВР.
„Сите пристигнати електронски пораки ќе бидат евидентирани и разгледани според утврдените процедури, со цел унапредување на системот и подобра комуникација со јавноста“, велат од министерството.
