Договорот става крај на речиси децениската неофицијална забрана за продажба на авиони „Боинг“ на Кина, објави Си-Ен-Ен .
Преговори за царинско и трговско примирје
Кинеското Министерство за трговија соопшти дека САД и Кина преговараат за продолжување на трговското примирје кое истекува во ноември и ќе разговараат за рамка за меѓусебно намалување на царините за стоки во вредност од околу 30 милијарди долари.
Најавите се во согласност со очекувањата изразени од претставници на администрацијата на Трамп минатиот петок, по дводневниот самит меѓу Трамп и кинескиот лидер Си Џинпинг.
Земјоделство и ретки метали
Кина, исто така, изјави дека ќе соработува со САД за проширување на двонасочната трговија со земјоделски производи.
Покрај тоа, беше најавено дека ќе се обезбеди стабилност на снабдувањето со ретки земни метали во глобалните синџири на снабдување, иако не беа дадени конкретни чекори за тоа како се планира да се постигне ова.
