Нафтената индустрија на Србија (НИС) поднесе барање до Канцеларијата за контрола на странски средства (ОФАК) за нова посебна лиценца што ќе ѝ овозможи да продолжи со оперативните активности по истекот на претходно издадената лиценца, односно по 31 јули 2026 година, објави вечерва НИС.
Барањето, како што објави НИС, ја нагласува важноста на НИС во обезбедувањето континуитет во снабдувањето на домашниот пазар, особено со оглед на актуелните случувања на глобалниот енергетски пазар, и потсетува на тековните преговори за промена на сопственичката структура на НИС.
НИС уште еднаш нагласува дека непрекинатото работење на компанијата, редовното работење на рафинеријата за нафта Панчево, како и редовното снабдување на пазарот се од клучно значење за зачувување на енергетската стабилност на Република Србија.
Српскиот претседател Александар Вучиќ во неделата изјави дека е оптимист во врска со постигнувањето решение за НИС и дека се надева дека договорот за продажба на рускиот удел во НИС би можел да биде завршен пред крајот на септември.
Претходно издадената лиценца на OFAC што му овозможува на НИС да работи, имено преработка на сурова нафта, истекува на 31 јули.
OFAC претходно ја продолжи и лиценцата на унгарската компанија MOL за продолжување на преговорите за преземање на руската сопственост во НИС до крајот на јули.
На 9 октомври минатата година, САД воведоа санкции врз НИС поради нејзиното мнозинско руско сопствеништво.
