Американскиот претседател Доналд Трамп изјави дека треба да разговара телефонски со својот руски колега Владимир Путин за можен случај на чума во истражувачки институт во Сибир , објави АП.
Трамп рече дека ќе разговара за случајот со Путин „многу наскоро“.
Здравствените власти истражуваат по смртта на вработен во институтот .
На прашањето што велат американските разузнавачки служби за случајот, Трамп рече дека САД водат „многу, многу длабоки дискусии“ за темата. „Веројатно ќе можеме да дадеме детали утре“, рече Трамп.
Во вторник, Светската здравствена организација соопшти дека случајот претставува „многу низок“ ризик надвор од Русија. Агенцијата на ОН соопшти дека е во контакт со руските власти по извештаите за смртта минатата недела на жена која работела во Иркутскиот истражувачки институт за контрола на чума (кој ги опслужува Сибир и Далечниот Исток).
Во понеделник, Трамп изјави дека САД се подготвени да ѝ помогнат на Русија во ситуацијата. „Ова е сериозна болест. Знаете, ова е болест што порано можевме да ја контролираме, но некако овие бактерии станаа посилни и попаметни. Тие се како армија“, им рече Трамп на новинарите во Белата куќа.
Телефонскиот повик доаѓа и во време кога администрацијата на Трамп се соочува со рок од 18 октомври да одлучи кои руски субјекти треба да бидат санкционирани според Законот за санкции меѓу Русија и Иран (инициран од Линдзи Греам), кој Трамп го потпиша на 18 септември.

