Јавното обвинителство денеска на меѓународна конференција ќе ја презентира новата комуникациска стратегија со јавноста за периодот до 2028 година.
– Стратешкото планирање на комуникацијата е еден од основните изрази на посветеноста на Јавното обвинителство за дополнително зголемување на довербата на јавноста во јавнообвинителската работа, велат од Републичкото јавно обвинителство.
Конференцијата насловена „Од стратегија до пракса: Јакнење на комуникацијата на Јавното обвинителство со јавноста“ на едно место ќе ги собере претставниците на Јавното обвинителство, медиумите, како и меѓународни и национални експерти кои ќе дискутираат за важноста на стратешкиот пристап кон транспарентноста на Јавното обвинителство и комуникацијата со јавноста за предметите од висок јавен интерес.
