Повеќе од 48 часа не функционира апликацијата Мој ДДВ. Илјадници граѓани се револтирани бидејќи не можат да пристапат до апликацијата и да скенираат сметки. При внесување на пинот за најава, се добива порака Нема конекција од УЈП.

На официјалната страна на МОЈ ДДВ е соопштено дека апликацијата функционира со повремени забавувања, но без да прецизираат кога ќе биде повторно вратена во функција.

Ве информираме дека апликацијата МојДДВ моментално функционира со повремени забавувања. Нашите тимови активно работат на утврдување на причините и на надминување на предизвиците, со цел што поскоро да се обезбеди нејзино непречено функционирање, стои во објавата на ФБ.