Продолжува периодот на сончево и топло време со мала до умерена облачност. Во попладневните часови наместа ќе има услови за појава на краткотраен пороен дожд и грмежи. Ќе дува и ветер од северен правец.
Утринските температури ќе бидат во интервал од 7 до 16, а дневните од 27 до 33 степени.
Ваквото време ќе се задржи до средина на следната недела. Поради големата енергија во атмосферата, во попладневните часови ќе има услови за локална појава на краткотрајно невреме, особено во планинските и југоисточните делови од државата.
