Разговорите меѓу САД и Иран, кои беа планирани за денес, во планинското одморалиште Биргеншток во Швајцарија, нема да се одржат, објави швајцарското Министерство за надворешни работи.
Претходно, портпаролот на Белата куќа изјави дека потпретседателот на САД, Џ.Д. Венс, го откажал планираното патување за средба со иранските преговарачи во Швајцарија, кое беше планирано за денес, за да започнат разговори за спроведување на договорот постигнат меѓу Техеран и Вашингтон за завршување на војната.
Како што објави Акисос, според администрацијата, причината за промената на плановите се логистичките предизвици, а Венс на прес-конференција рече дека разговорите сè уште не се конечно потврдени и дека иранските претставници може да имаат тешкотии со аранжманите за патување.
„Американската делегација беше подготвена да замине при првата можност. Но, логистиката на овие преговори никогаш не била едноставна или предвидлива“, соопшти Белата куќа, додавајќи дека се очекува наскоро да започнат технички разговори.
Врховниот лидер на Иран, Моџтаба Хамнеи, ги овласти иранските преговарачи да одржат директни разговори со САД, со порака дека тоа не претставува прифаќање на позициите на Вашингтон.
