Синоптичарите за денес најавуваат сончево време со мала до умерена облачност претпладне, а веќе попладне нестабилна облачност, проследена со дожд, грмежи, засилен ветер и услови за појава на град. Ќе дува слаб до умерен, повремено засилен ветер од северен правец.
Минималната температура ќе биде во интервал од 10 до 18, а максималната од 29 до 38 степени.
Во Скопје, слично време со утринска температура до 17 и дневна до 35 степени.
Во наредните денови следува период на променливо облачно и нестабилно време со врнежи од дожд, пообилни во вторник и среда (наместа 15 l/m²). Локално процесите ќе бидат во форма на краткотрајно невреме проследено со пороен дожд, засилен ветер и грмежи и услови за појава на град. Ќе дува умерен ветер претежно од северен правец.
