Три лица се убиени во Московскиот регион, а тројца други се повредени во напад со беспилотно летало, објави денес гувернерот на регионот, Андреј Воробјов.
„Во селото Пионерски во Истра, три лица загинаа, а тројца други се повредени како резултат на пад на беспилотно летало. Сите жртви добиваат потребна медицинска помош“, рече Воробјов на платформата Макс, пренесува РИА Новости.
Според извештаите, пет приватни куќи биле зафатени од пожар како резултат на нападот со беспилотно летало.
Дополнително, во Солнечногорск, Московскиот регион, беспилотно летало удрил во повеќекатна зграда, при што биле повредени две лица.
Ѕидот и прозорците на зградата биле оштетени.
Во меѓувреме, се огласи и градоначалникот на Москва, Сергеј Собјанин, кој изјави дека силите за воздушна одбрана уништиле 50 беспилотни летала што се приближувале кон Москва.
„До 20:30 часот, повеќе од 350 непријателски дронови летаа кон Московскиот регион. Повеќето беа неутрализирани од силите за воздушна одбрана на далечни пристапи. Педесет дронови беа уништени при нивното приближување кон Москва“, рече Собјанин на платформата „Макс“, пренесува ТАСС.
