По три дена, пожарот во кавадаречкото село Раец е целосно изгаснат. Градоначалникот на Кавадарци, Митко Јанчев вечерва на Фејсбук објавувајќи фотографии им се заблагодари на сите кои учествуваа во гаснењето на пожарот.
– Во овие исклучително тешки моменти уште еднаш се потврди силата на солидарноста и несебичната посветеност на сите служби и поединци што деноноќно беа на терен во борбата со огнената стихија, напиша Јанчев.
Вашата храброст, пожртвуваност и несебична поддршка беа од непроценливо значење за успешно надминување на оваа сериозна состојба, им порача Јанчев.
Пожарот во кавадаречко, како што денеска изјави директорот на Дирекцијата за заштита и спасување Стојанче Ангелов, бил еден од потешките пожари во изминатите денови.
