Американската вселенска агенција НАСА соопшти дека астероид со големина на патнички авион на 7 август (петок) ќе се приближи и ќе мине покрај Земјата.
Објектот, наречен 2026 OE1, има дијаметар од околу 55 метри и ќе помине на безбедно растојание од околу 2,93 милиони километри не претставувајќи закана за планетата.
Програмата за следење на НАСА
Американската Агенција следи илјадници објекти во близина на Земјата, кои вклучуваат астероиди и комети чии орбити се пресекуваат со земјината орбита. Преку платформата „Asteroid Watch“, НАСА редовно објавува информации за небесни тела што минуваат на 7,4 милиони километри од нашата планета.
Според НАСА, 2026 OE1 е последниот од петте такви објекти што Агенцијата ги регистрирала во овој период. Неговата траекторија ќе остане на безбедно растојание. Ќе помине повеќе од седум пати подалеку од Месечината, која има просечно растојание од околу 384.000 километри од Земјата.
Што се објекти во близина на Земјата?
Терминот „објекти во близина на Земјата“ се однесува на астероиди и комети чии орбити ги доведуваат на околу 193 милиони километри од Сонцето, предизвикувајќи повремено да минуваат низ орбитата на Земјата. Повеќето од нив се безопасни и никогаш не се приближуваат до планетата.
Центарот на НАСА за студии на објекти во близина на Земјата (ЦНЕОС) континуирано ги следи орбитите на познатите објекти и го проценува ризикот од удар. Како што научниците собираат нови набљудувања, тие можат попрецизно да ги предвидат орбитите и да утврдат каде ќе биде објектот години или дури децении однапред.
Други блиски минувања оваа недела
Астероидот 2026 OE1 не е единствениот објект што минува близу до Земјата овие денови. Листата на НАСА го вклучува и астероидот 2026 PK, со големина на автобус и дијаметар од околу 7 метри, кој ќе помине на 750.000 километри. 2026 PC, со дијаметар од 18 метри и големина на куќа, исто така е снимен, со патека од 1,1 милион милји од Земјата. Објектот 2026 PE, кој е со дијаметар од околу 67 метри, ќе помине на растојание од шест милиони километри.
На 5 август, астероидот 2024 RM10, кој е со дијаметар од 23 метри, исто така помина на растојание од 5,2 милиони километри.
Целта на следењето е одбрана на паланетата
Следењето на астероиди е дел од пошироката стратегија за планетарна одбрана која има за цел да идентификува потенцијално опасни објекти многу пред да можат да удрат. НАСА дефинира потенцијално опасен астероид како секој астероид поголем од 140 метри чија траекторија би можела да го донесе на 7,4 милиони километри од земјината орбита околу Сонцето.
Научниците нагласуваат дека 2026 OE1 не спаѓа во таа категорија. Сепак, секое блиско поминување дава вредна можност за усовршување на методите за следење, попрецизно пресметување на орбитите и подобро разбирање на објектите што патуваат низ внатрешниот Сончев систем. Иако астероидот со дијаметар од 55 метри е доволно голем за да го привлече вниманието на научниците, пресметките потврдуваат дека утре сигурно ќе помине покрај Земјата без никаков ризик.
