Тензиите на Блискиот Исток повторно ескалираа откако американската војска изврши напади врз Иран втора ноќ по ред, погодувајќи вкупно 170 цели за два дена. Иран возврати со напади со беспилотни летала врз американските воени објекти во Кувајт, Катар и Бахреин, додека американскиот претседател Доналд Трамп изјави дека Иран побарал договор, но изрази сомнежи за нивната подготвеност да го почитуваат.
Според податоците од иранското Министерство за здравство, најмалку 14 лица се убиени, а 78 се ранети во американските напади од понеделник вечерта, објавија Би-Би-Си, Ројтерс и други светски медиуми.
„Претседателот Трамп го информираше премиерот за американските потезите во Персискиот Залив“, се вели во соопштението од кабинетот на Нетанјаху.
Израел: Подготвени сме да го нападнеме Иран по трет пат доколку е потребно
„Премиерот, од своја страна, предупреди за сериозноста на изјавите на турскиот претседател Реџеп Таип Ердоган и неговите соработници против постоењето на Државата Израел, како и за потребата од одржување на безбедносни зони долж границите на Израел“, се додава во соопштението.
Турскиот претседател, чија земја неодамна беше домаќин на самитот на НАТО во Анкара, постојано го обвинува Израел за кршење на меморандумот за разбирање меѓу САД и Иран. Израел, исто така, изрази загриженост оваа недела за можната продажба на напредни борбени авиони Ф-35 на Турција, можност што Трамп ја спомена за време на самитот на НАТО.
Нетанјаху во ексклузивно интервју за Си-Ен-Ен изјави дека Ердоган „не е баш примерен сојузник на САД“. Тој исто така тврдеше дека Ердоган „се заканува дека ќе ја уништи неговата земја, единствената еврејска држава“.
Експлозии се слушнале во два ирански града, објавија официјални и полуофицијални ирански медиуми.
Според полуофицијалната новинска агенција Мехр, три експлозии одекнале во градот Конарак во четврток навечер по локално време, додека државната новинска агенција ИРНА објави дополнителни експлозии во градот Бушер.
На работ на градот Бушер се наоѓа единствената нуклеарна централа во Иран.
Заменик-гувернерот на Бушер за политички и безбедносни прашања, Ехсан Џаханијан, за ИРНА изјави дека воен објект надвор од градот бил погоден од, како што рече, „американско-израелски непријателски ракети“, што ја поттикнало иранската воздушна одбрана да реагира. Џаханијан не даде дополнителни детали за обемот на штетата или евентуалните жртви.
Американски функционер изјави за Си-Ен-Ен дека американската војска во моментов не спроведува напади. Израелските претставници рекоа дека „во овој момент немаат сознанија за каква било вмешаност на Израел во нападите врз Иран“.
Засега нема информации за причината за експлозиите во Конарак или за евентуална штета. Конарак е стратешки пристанишен град на брегот на Макран во иранската покраина Систан и Белуџистан, на западниот брег на Оманскиот Залив. Бушер се наоѓа во истоимената јужна крајбрежна покраина.
Рускиот министер за надворешни работи Сергеј Лавров повика на праведен крај на војната меѓу САД и Иран, велејќи дека секој договор мора да ги одразува интересите на сите страни, а не само на завојуваните страни.
„Не само Иран, неговите соседи и САД, туку сите земји кои на еден или друг начин страдаат од негативното влијание на моменталната ситуација врз глобалната економија“, изјави Лавров пред новинарите по посетата на Мозамбик.
„Имаме заеднички став за настаните околу Иран, во Ормутскиот теснец и, пошироко, во Персискиот Залив. Претпоставуваме дека овој конфликт, секако, мора да се реши. И може да заврши само со договор што ги одразува интересите на сите страни“, рече тој.
Мерц го изјави ова во телефонски разговор со Нетанјаху, во кој „ја нагласи важноста на рамковниот договор меѓу САД и Иран како најдобра шанса за стабилност во регионот“.
Двајцата лидери разговараа и за ситуацијата во Либан и израелските потези на окупираната палестинска територија.
