Една минимална плата во Северна Македонија е потребна само за храна и пијалоци. Пресметките на Сојузот на синдикати за минималните месечни трошоци за јануари покажуваат дека на четиричлено семејство само за храна и пијалоци му биле потребни 24.000 денари.
Вредноста на синдикалната минимална кошница во јануари е зголемена за 921 денар во однос на декември, односно изнесува 66.413 денари, а со изнајмен стан од 60 квадрати достигнува 81.788 денари.
Поради зголемените трошоци за живот, ССМ бара зголемување на минималната плата на 600 евра и зголемување на сите останати плати. Утре, на седница на највисоките тела на синдикатот треба да биде донесена одлука за протести.
За утре во 12 ипол е закажана и прес-конференција на претседателот на ССМ на која се очекува да бидат соопштени деталите за протестите.
