Поранешниот министер за внатрешни работи и директор на Бирото за јавна безбедност Митко Чавков, денеска е пуштен на условен отпуст.
Тој беше осуден за терористичко загрозување на уставниот поредок и безбедноста за случувањата од 27 април 2017 година во Собранието.
Основниот кривичен суд Скопје преку кривичниот совет на 23.02.2026 година по предлог на директорот на КПД Штип, донесе одлука со која осудениот Митко Чавков условно го отпушти од понатамошно издржување на казната, од причина што истиот ги исполнува законските услови за истото, односно има издржано 1/3 од утврдената затворска казна, заради неговата влошена здравстена состојба, како и поради процесна избалансираност со останатите осудени лица за овој кривичен настан, за кои веќе се донесени правосилни одлуки за условен отпуст.
Казната затвор ја издржуваше во затворот во Штип.
