Украинската полиција објави видео за кои се тврди дека прикажува како руски напаѓа цивил на пазар во градот Керсон.
Според полицијата, жртвата е 52-годишен маж од регионот на Миколаев кој продавал зеленчук на пазарот. Мажот го преживеал нападот, но се здобил со повреди од експлозијата, рани од шрапнели и потрес на мозокот, поради што му била укажана лекарска помош.
Полицијата овој случај го оквалификува како воено злосторство извршено од руската армија.
Во полициското соопштение се додава дека руските сили речиси секој ден користат дронови за да напаѓаат цивили во Керсон и целиот регион. Нивна цел обично се случајни минувачи, приватни возила, тимови на јавен превоз и итните служби. Во нападите во текот на вчерашниот ден во реонот на Керсон, според полицијата, загинале две лица, а 18 биле повредени.
Русија се уште не ја коментирала снимката.
