Здружението го повика парламентот да не ги одобрува плановите, оценувајќи дека промените практично ќе значат „укинување на слободата на информации“.

Христијанските демократи (CDU/CSU) на канцеларот Фридрих Мерц и нивниот коалициски партнер Социјалдемократите (SPD) во четвртокот се согласија за сеопфатен пакет реформи, кој вклучува и реформа на Законот за слобода на информации.

Во иднина, правото на пристап до информации треба да биде ограничено на физички лица кои имаат легитимен интерес.

Покрај тоа, имињата на вработените во јавниот сектор ќе бидат отстранети од документите.

Според новите правила, медиумите повеќе нема да можат да поднесуваат барања врз основа на Законот за слобода на информации, изјави претседателот на DJV, Мика Бојстер.

Ако имињата се отстранат, повеќе нема да биде можно да се види кој е одговорен во официјалните документи, додаде Бојстер.

„На германскиот Бундестаг е да ја одржи слободата на информациите жива“, рече тој, наведувајќи дека Законот за слобода на информациите „не е совршен за медиумските работници, но е подобар од ништо“.

Со планираните ограничувања, законот ќе стане „тигар од хартија“, заклучи претседателот на DJV.

Претставниците на опозицијата и организациите што се залагаат за транспарентност, исто така, ги критикуваа плановите.