На Правниот факултет во Скопје ќе се одржи трибина посветена на 30 години од европскиот пат на Северна Македонија организирана од Дипломатскиот клуб – Скопје и од Правниот факултет „Јустинијан Први“.
– Конференцијата доаѓа во критичен момент за иднината на проширувањето на ЕУ и дава навремена можност не само да се размисли за постигнатиот напредок, туку и да се потврди стратешката посветеност на европската интеграција, велат организаторите.
Со конференцијата се одбележуваат 30 години од воспоставувањето дипломатски односи и 25 години од потпишувањето на Спогодбата за стабилизација и асоцијација.
Најавено е присуство и обраќања на министерот за европски прашања Беким Сали и евроамбасадорот Михалис Рокас.
