Инфлација од околу 4 % и раст на бруто-домашниот производ од 3,5 % предвидува Народната банка за 2026 година. За 2027 година проекциите покажуваат дека инфлацијата ќе треба да се намали на 3 %, а растото на БДП би требало да достигне 3,8 %.
Советот на Народната банка на последната седница ги разгледа и ги усвои најновите макроекономски проекции, содржани во кварталниот извештај.
Во извештајот е заклучено дека светската економија и понатаму се соочува со значителни ризици. . Главниот извор на неизвесност и натаму се геополитичките конфликти, особено ескалирањето на состојбата на Блискиот Исток, што значително влијае врз цените на примарните производи и трговските текови.
Во однос на домашната економија, најновите макроекономски проекции исто така се потпираат на умерено сценарио, според кое се очекува побрзо завршување на конфликтот, нормализирање на снабдувањето со нафта и постепено намалување на цените во втората половина од годината. Според овие проекции, се очекува дека инфлацијата ќе изнесува околу 4 % во 2026 година, при што стабилизирањето ќе биде побавно во услови на повисоки цени на енергентите и храната. Во наредниот период се очекува постепено намалување на инфлацијата на речиси 3 % во 2027 година и нејзино враќање кон историскиот просек од 2 % на среден рок под влијание на закотвените инфлациски очекувања и ограничените притисоци од домашната побарувачка – се вели во соопштението од Народната банка.
Трошоците за живот во април на годишно ниво зголемени за 5,7 отсто, а цените на мало за 5,0 отсто
Во вакви услови проекциите за домашната економија упатуваат на умерено, но стабилно економско закрепнување.
