ЕКСПЕРТ ЗА БЕЗБЕДНОСТ објасни зошто можеби добивате повеќе лажни повици од вообичаено и како да ги препознаете лажните повикувачи за да не ги изгубите вашите тешко заработени пари. Бројот на вакви повици, според извештаите, е во пораст низ целиот свет, а измамниците се чини дека се особено насочени кон постарите лица, кои ги сметаат за поранливи, но секој може да стане жртва.
Клејтон ЛиаБратен, виш експерт во Truecaller, објасни зошто добивате толку многу несакани повици. Се верува дека промените во технологијата и моменталната економска ситуација играат клучна улога.
„Измамниците се вешти социјални инженери. Тие знаат дека во неизвесни економски времиња, многумина бараат финансиска помош за да ги олеснат своите товари, и тука се појавува очајот. Тие ги разбираат своите цели и ги имаат сите психолошки информации што им се потребни“, изјави Лиа Братен за „Њујорк пост“.
На кои предупредувачки знаци треба да се обрне внимание
Измамниците понекогаш тврдат дека ги знаат вашите лични податоци, но ова е само обид да извлечат доверливи информации од вас. Ова е една вообичаена тактика што ја набљудува Федералната трговска комисија на САД: „Кога луѓето не се јавуваат, повикувачите оставаат пораки во кои се наведува дека фиктивно „барање за кредит е на чекање бидејќи на компанијата ѝ се потребни повеќе информации“ и ги замолуваат да се јават повторно“.
„Повиците изгледаат итни и постојани. Луѓето пријавуваат дека се јавуваат сериски, од пет до дваесет пати на ден, секој пат од различен број, но секогаш со истата приказна. Сепак, барањето за кредит никогаш не постоело. Тоа е само тактика што ја користат некои нечесни компании за да понудат кредити“, додаде комисијата.
Важно е да не враќате на повикот бидејќи може повторно да се поврзете со измамникот и може да ви бидат наплатени неочекувани трошоци.
Како да ги надмудрите измамниците
ЛиаБратен, исто така, понуди неколку совети за одбрана од измамници, нагласувајќи дека клучот е да се биде проактивен, а не реактивен.
„Важно е да се разбере дека измамниците не сакаат да поставувате прашања или да проверувате линкови. Секоја секунда што ја поминувате размислувајќи им ја одзема моќта. Измамниците се потпираат на конфузија и страв од пропуштање на нешто. Тие бараат активен број и некој што е спремен да слуша“, продолжи експертот.
„Ако одговорите или го притиснете копчето за отпишување, честопати само им потврдувате дека вашата линија е активна, што ќе доведе до уште повеќе повици. Најдоброто нешто што можете да направите е да забавите, да бидете сомничави и едноставно да го прекинете повикот“, заклучи тој.
