Обвинителството ќе испитува како постапиле 39 полицајци во случајот на Ивана Јовановска

Известувањето на МВР за полициските службеници поврзани со случајот на Ивана Јовановски во кое е утврден пропуст кај 39 полициски службеници веќе е доставено до Обвинителството за гонење на организиран криминал и корупција. За овој случај ќе одлучува Специјализираното одделение за гонење кривични дела сторени од лица со полициски овластувања при Обвинителството за гонење организиран криминал и корупција.
         Внатрешната контрола при Министерството за внатрешни работи утврди пропусти кај 39 полициски службеници при постапувањето во случаите кога било пријавувано семејно насилство врз Ивана Јовановска, сопруга на Стојанче Јовановски.
Јовановски вчера седна на обвинителна клупа. Беше приведен веднаш откако неговата сопруга со шестгодишната ќерка се самоуби од балконот на семејниот дом во скопската населба Карпош.