Движењето ЗНАМ го напушти уште еден член. Советничката во Советот на општина Прилеп, Мирјана Стеваноска соопшти дека ја напушта партијата и дека ќе дејствува како независен советник.
Одлуката, како што изјави, ја донела водејќи се од интересите на граѓаните на Прилеп.
– Во изминатиот период покажав дека не прифаќам политика на молк, слепо гласање и немо прифаќање на однапред договорени одлуки. Советникот не треба да биде декор во политички театар, туку активен и принципиелен глас на граѓаните, изјави Стеваноска.
На последните локални избори Стеваноска беше носител на советничката листа на ЗНАМ.
Претходно, Движењето ЗНАМ го напушти и пратеникот Миле Цеков кој исто така најави дека ќе дејствува како независен пратеник.
