Дојава за поставена бомба вечерва ги вознемири посетителите на трговскиот центар „Сити мол“. Трговскиот центар е евакуиран откако на електронска адреса на Министерството за внатрешни работи е пристигната дојава за поставена експлозивна направа.
– Денеска (25.04.2026) на електронска адреса на Министерството за внатрешни работи е добиена порака со закана дека во трговскиот центар „city mall“ во Скопје се поставени експлозивни направи. Полициски службеници преземаат мерки и вршат проверки во трговските центри, информира МВР.
Во тек е проверка од страна на полициски службеници кои се на терен.
